Café Mocha ＝ Chocolate+Espresso+Milk

版权声明：转载时请以超链接形式标明文章原始出处和作者信息及本声明
http://filawong.blogbus.com/logs/4417490.html

        终于可以坐低，终于可以休息下拉 偶然看到Carol北极熊的MSN签名，一下子惊醒：原来已经一年了……

        到今日，刚好喺我入UFIDA整整一年拉，回味呢一年，心中的是感动、感慨、感激

        感动……呢个公司的确是一个大家庭，上上下下几千人，无官僚、无架子，充满温暖。每一次活动、每一次聚会，都可以令人热泪盈眶，每一次看着5个鲜红的字母、每一次唱起《真心英雄》（公司买咗版权的“用友之歌”），都可以令人热血沸腾！面对跳槽、面对猎头的挖角，我自豪咁讲：我心鲜红！

        感慨……呢一年真喺好累好累，几乎是六日半工作制、每日早八点到晚九点，无加班费、无补休……记得有三个月一日都无休息过，三个月后唯一的奖励是：“明早十点上班吧！”呵呵，好过分，right？不过有时我就乐在其中，无办法拉，鬼叫我一个人，就算放假俾我番屋企，都是对住四面墙，宁愿寄情于工作～～今日早上8：00去番禺路过大学城，突然想起两个同事近排成日要跑附近的大学，距地9点或者10点报道，不过就日日大叫远、累、苦……我喺唔喺太搏命呢？呵呵，当然，呢一年我都学识咗“偷鸡”，偷起身比任何人都夸张

        感激……多谢好多位好锡我、好睇到我既BOSS，总裁、大区老总、事业部老总、事业部大区老总……多谢多谢，呢一年我真喺学识咗好多野，待人处事、价值观、人生观……从一个只懂埋头技术的毛头小子，成为今日可以独当一面，担当部门1/3业绩任务的部门红人……可以话喺一个蜕变的一年，付出真喺收到咗回报，回头睇下其他朋友、曾经同事，或者入超级大公司、或者月入不菲，我自信呢一年我收获更多，唔喺镀咗金、唔喺搵到大钱，而且我搵到咗未来！曾经低落过，曾经尝试调职跳槽，不过今日静落心黎，先发觉原来并没有最好，只有最合适～最重要的是，知遇之恩，不可不报

        一年的忙碌，得到好多，但是却失去咗唔少 孤单、寂寞充满住每一个没有工作的时刻，我唔知自己发生咩事，其实我尝试过，但真喺无办法无能力去接受/寻找一段新的开始，或者已经习惯于一个人的生活，有时亦都乐在其中，但喺我好怕会变成一种习惯，到某一日生命里再都容不下另一个人……

        朋友越黎越少，交际圈窄咗完全可以理解，不过重点是缺少时间同一大班旧朋友聚旧，或者讲到今日先发觉原来好多都是酒肉朋友……

        知己更少，有咩办法？其实呢个世界既人99%都是重色轻友，包括我自己，难怪距、距、距，一个个都是寻到新欢之后就……唉，好彩，我知道你地都仲有小小人性，挂住我就得架拉，无谓多讲～～当然拉，有你最紧要，Man！仲有你，dodo！

        读书……唉，又浪费一年拉，07年一定要重拾书本拉，越黎越发觉知识缺乏，唔够用啊，点办？唯有逼自己咯，书就买咗唔少拉，不过上面既尘都封咗唔少……

        过去一年，得与失，总算走过咗拉，算喺相当满意的一年，老土D讲句，希望来年更好！ 最后留低今日发生既两件事：
1、一早起身，极度唔够训，出门上班顺便去7仔买支咖啡提神，懵下懵下咁行埋收银台俾钱，一个唔觉意将收银台前面一排大概五六盒12只装“杜雷丝”推晒落底下……最尴尬是，手忙脚乱执番晒起身，全部抱住喺身上，先发觉个货架好乱，根本就无地方放低……正喺呢个时候，两个公司女同事行入黎，望住我……晕
2、最近因为部门一件小事，觉得唔多爽，写咗份投诉邮件俾北京总部老总，估唔到一石激起千层浪，竟然牵连到两家公司六七个部门N个人，挨骂、检讨、道歉、处分、处罚……最严重的一个人竟然俾公司扣晒全部2006年年终奖金……而且全部都喺领导啊……我只有愕然，全部因为我一份邮件……